Отгонтэнгэр их сургуулийн Эрдмийн зөвлөл нь их сургуулийн сургалт, судалгаа, эрдэм шинжилгээний бодлого, хөгжлийн үндсэн чиглэлийг тодорхойлох, тэдгээрийн хэрэгжилт, үр дүнд мэргэжлийн дүгнэлт, зөвлөмж өгөх чиг үүрэг бүхий хамтын удирдлагын орон тооны бус зөвлөл юм.
Эрдмийн зөвлөл нь Дээд боловсролын тухай хууль, Боловсролын ерөнхий хууль, Шинжлэх ухаан, технологийн тухай хууль, Инновацын тухай хууль, шинжлэх ухаан, технологийн талаар төрөөс баримтлах бодлого болон Отгонтэнгэр их сургуулийн дүрэм, журмын хүрээнд үйл ажиллагаагаа явуулна.
Эрдмийн зөвлөл нь 21 гишүүний бүрэлдэхүүнтэй, бүрэн эрхийн хугацаа 5 жил байна. Зөвлөлийн бүрэлдэхүүнд Отгонтэнгэр их сургуулийн эрдмийн зэрэг, цолтой үндсэн багш нар болон тэргүүлэх эрдэмтэн, судлаачдын төлөөлөл багтдаг.
Үндсэн чиг үүрэг
Эрдмийн зөвлөл нь их сургуулийн сургалт, судалгаа, эрдэм шинжилгээний хөгжилд мэргэжлийн удирдлагаар хангаж, дараах үндсэн чиг үүргийг хэрэгжүүлнэ:
- Их сургуулийн судалгаа, эрдэм шинжилгээний хөгжлийн стратеги, төлөвлөгөө, төсөл, хөтөлбөрийг хэлэлцэх;
- Сургалт, судалгааны бодлого, тэргүүлэх чиглэлийг тодорхойлох, хэрэгжилтийн үр дүнд дүгнэлт өгөх;
- Сургалт, судалгаатай холбоотой дүрэм, журмыг хэлэлцэх;
- Судалгааны төсөл, ахисан түвшний сургалт, судалгааны үр дүнг хэлэлцэж, дүгнэлт гаргах;
- Боловсролын зэрэг олгох сургалтын хөтөлбөр, төлөвлөгөөг хэлэлцэж, санал, дүгнэлт өгөх;
- Хөтөлбөрийн хорооны үйл ажиллагаанд үнэлэлт, дүгнэлт өгөх;
- Багш, судлаачдын эрдэм шинжилгээний бүтээл, ном, сурах бичиг, гарын авлагыг хэвлүүлэх, нийтийн хүртээл болгох талаар санал, зөвлөмж гаргах;
- Отгонтэнгэр их сургуулийн эрдмийн цол болон гадаадын иргэнд хүндэт доктор цол олгох асуудлыг хэлэлцэх;
- Судалгаа, эрдэм шинжилгээний ажлын чанар, үр өгөөжийг дээшлүүлэх асуудлаар санал, зөвлөмж гаргах;
- Профессорын баг, сургалт, судалгааны нэгжийг байгуулах, өөрчлөх, татан буулгах асуудлыг хэлэлцэх;
- Судалгааны төв, профессорын багийн үйл ажиллагааны тайланг хэлэлцэж, дүгнэлт, зөвлөмж гаргах;
- Докторын зэрэг горилсон бүтээлийг хэлэлцэж, дүгнэлт гаргах.
Эрдмийн зөвлөлийн үйл ажиллагааны үндсэн хэлбэр нь хурал бөгөөд жилд хоёроос доошгүй удаа хуралдана. Зөвлөл хэлэлцсэн асуудлаар тогтоол, шийдвэр, санал, зөвлөмж гаргаж, тэдгээрийн хэрэгжилтэд хяналт тавина.
Эрдмийн зөвлөлийн бүрэлдэхүүн
Эрдмийн зөвлөлийн дарга:
Н.Энхзаяа Доктор, /Ph.D/, Дэд Профессор
Эрдэмтэн нарийн бичгийн дарга:
Б.Одгэрэл Доктор, /Ph.D/, Дэд Профессор
Эрдмийн зөвлөлийн гишүүд:
Д.Оюунхорол Доктор, /Ph.D/, Профессор
Гү.Жаргалсайхан Доктор, /Ph.D/, Профессор
Ж.Амарсанаа Доктор, /Sc.D/, Профессор
Г.Төмөрчулуун Доктор, /Sc.D/, Профессор
Ш.Батсүх Доктор, /Sc.D/, Профессор
Б.Галиндэв Доктор, /Ph.D/, Профессор
С.Одхүү Доктор, /Ph.D/, Профессор
Г.Гантөмөр Доктор, /Ph.D/, Профессор
Га.Жаргалсайхан Доктор, /Ph.D/, Дэд Профессор
М.Сувд Доктор, Доктор, /Ph.D/, Дэд Профессор
Д.Эрдэнэчимэг Доктор, /Ph.D/, Дэд Профессор
Н.Отгонбаяр Доктор, /Ph.D/, Дэд Профессор
Ч.Соёлмаа Доктор, /Ph.D/, Дэд Профессор
Э.Номин Доктор, /Ph.D/, Дэд Профессор
Н.Ариунзаяа Доктор, /Ph.D/, Дэд Профессор
Б.Энхбаяр Доктор, /Ph.D/, Дэд Профессор
П.Эрдэнэбат Доктор, /Ph.D/, Дэд Профессор
Ц.Ганбат Доктор, /Ph.D/,Дэд Профессор
